قصص عراقيه حقيقية من واقعنا واتباد

ننشر لكم متابعي مصر النهاردة من كل مكان البارت الأول و الثاني من قصة زمن العجائب تأليف ورد العامري وهي قصة تحكي معاناة امرأه بشكل مختلف لكن بنفس الطعم ، وسوف نتابع نشر قصص عراقيه حقيقية من واقعنا واتباد وتكملة باقي القصة في صفحات اخرى والان تابع معنا البارت الاول من القصة :

قصة زمن العجائب عراقيه حقيقية من واقعنا

حيث تقول ورد العامري ان هذه القصة تحكي معاناة امرأة مع رجل ، مثل ماكلت مع الاسف حته لقب الذكر الي بالجنسيه هواي عليه مرات اكول اخاف تكون قصه بااحداث مشابهه ماريدها

لكن اتفاجئ بحدث اقوه يجبرني اني اتأكد الف مره من صاحبه القصه توصل لدرجه ان تقسم ع كلامها للتأكيد عرفت ان بهل زمن موجود امثال قيصر وليث وصادق وامير(رحمه الله عليه)

الابطال الي حبيناهم الي اثبتو انهم رجال بمعنى الكلمه وبتحمل مسؤليتها واكو مع كل احترامي لذويهم اولااولادهم اكو امثال محمد واشباها الي كانو اشباه رجال وليس رجال وابو المثل يكول اصابعك مو كلها سوه

قصتنه اليوم واقعيه حقيقيه بطله القصه حبت تشاركم قصتها حبت تنشرها بعد قصه طفله فصليه لنقل معاناة اخرى بنكهه رجل وكما عودتكم القصص من الواقع بطله القصه متابعه ويانه والاسماء الي حتذكر حقيقيه وبعض الاماكن حيكون ذكرها برموز للخصوصيه ، بطلة القصة ريهام خريجه اعدادي يتيمه الاب لها اخت اكبر منها اسمها ريام  بعد وفاة الوالد ، رجعت الام تعيش مع اهلهه الي همه انذاك ابوها وامها واخوانها وزوجات اخوانها

امي عدها 3 اخوان (علي/كرار/رضا) و2خوات (رقيه/زينب )وامي ثالثتهن(فاطمه) امي الوسطانيه تعتبر

كانت خالتي الكبيره رقيه متزوجه وزينب مخطوبه وخوالي (علي وكرار )مزوجين وخالي رضا بعده لان. كان. عمره صغير بعده طالب متوسطه

مااذكر شي عن ابويه اختي ريام تذكر احسن مني لان جان عمرها 8سنين بس اني جنت 4سنين فمااذكر شي عنه 4

كبرت ببيت جدي وتسجلت بصف اول طبعا امي دومها مشاكل ويه اخوتها ونسوانهم بسببنه

امي متقبل احد يطخنه واحنه جنه مصكعه مثل ميكولون

لنسوان خوالنه وخوالنه يطبكون ويه نسوانهم ع اشياء تافهه ممكن حته نكون ممسويها احنه بس تنذب بروسنه 4

بيبي ام امي جانت متقبل وتصيح الي يمد ايده عليهن العب لعب بيه وجدي يدافع النه دوم ويطينه نروح نشتري حته منضل بقهره لوهوه يروح يشتريلنه هذا الشي جان يخلي نسوان خوالي يضوجن اكثر لان صرنه مفضلين جدي وبيبيتي جانو ينقهرون ع يتمنه واحنه صغار تيتمنه وامي ترملت وهيه بعدها شابه فكانو يحسسون امي انهم بمكان اب النه

جانو حته ع امي ميرضون امي جانت من تنقهر اذب قهرها بينه تضربنه اوتعيط وبيبي تاخذنه واضل تحجي عليها عمامنه كل واحد بدنياه لاذكرونه ولاعرفونه ابويه جان يشتغل اسطه معجنات يعني يسوي كيك جرك كعك

مات وهوه شاب مات ب90الله يرحمه جان بعده شاب عمره 33تقريبا ، مات موت الله وكع بالعمل مالته اتخربط وجابوه بالبيت بقه كم يوم بالفراش والناس الي يكول تعب والي يكول ضغط والي والي كل واحد شرع بكيفه وره خمس ايام سلم امانته ل الله 9

امي تكول صعدت باليل خلصت شغلي واخذتكم وصعدت اني عايفته نايم هوه جان بس يريد اينام فتعوفه وتنزل تشتغل وهيه جنه مطلوب منها واجب وشغل

صاعده وماخذه العشه حته تعشي بالغرفه مكعدته مكاعد

وهوه مقابل يروح دكتور ولامستشفى فمينعرف حته شنو جان مريض او شي يوجعه

والناس صح ب90بس مكانت بهل تطور بطب
والناس من اهل الله لايعرفون امراض خطره ولاشي عايشين مثل ميكولون عايشين ع بركه

بعد موت ابويه جدي ابو ابويه تمرض هوه جان جبير بالعمر ومريض وزداد عليه مرضه
وره سنه من وفاة والدي توفه جدي
وبعد ماخلصت مراسيم الحزن صار لازم مثل ميكولون كل واحد ياخذ حصته جدي جان البيت بااسمه صح ام والدي عايشه بس رادو كل واحد حصته جانت الفكره من عمتي اخت ابويه 1

كايله لاامي ان انتي لازم تاخذين حق بناتج وهيه جانت حالته ضعيفه فرادت حقها حته تطلع من عيالها بيت جدي جان كلش جبير ومرتب يعني يجيب سعر يسوه
عمتي حاجت بيبي ام ابويه وقنعتها تحاجي عمامي لان عمامي ساكنين بالبيت
بيبي وافقت ع حجي عمتي وجان ردها ان اهم شي احنه ناخذ حصه ابونه كلامها جان اي حق اليتامه هم يفيدهن للزمن

بيوم اجتمعو كلهم عمتي وزوجها ووالدتي وعمامي وبيبي
وفتحو موضوع تقسيم التركه بيع البيت وكل واحد ياخذ حقه
لكن الصدمه كانت ان عمامي كالو ان البيت بااسمهم وان لااحنه ولاعمتي النه نصيب بي
شلون صار هيج

حسب قولهم ان جدي الله يرحمه مسجل البيت بااسمهم لان همه مداريه وهمه ياخذوه للطبيب ويطلعوه
طبعا هذا الحجي بيبي ماتدري بي

ع اساس بيوم ماخذيه ورايحين للمستشفى وكايللهم يريد يكتبلهم البيت بيع وشره مناصفه ابينهم
وهمه مسوين عقد وتنازل من جدي الهم وجدي باصم عله هل تنازل والبيت صاير بااسمهم 7

جدي جان لايقره ولايكتب والاحله ان من الناس الي جانت تعرف تبصم بس متوقع
من انسئلت بيبي كانت مثل عمتي وامي مصدومه من الي تسمعه وردها انها متعرف بهل شي وانهم همه جانو يطبون ويطلعون عليه وياخذوه ويطلعون بحجه فحص او ناخذه زياره ومن جانت تريد بيبي تروح وياهم ردهم لامانكدر غير مره هل مره ابونه ويانه انتي هم تردين الي يعينج واخاف منكدر ثنينكم ويانه 1

صارت مشكله جبيره وعمتي كامت تحجي ع بيبي وان شلون معرفت واذا اكو هيج شي ممعقوله الاب مكايل الها
طبعا بالفتره الاخيره جدي صار ع كرسي متحرك
وتعبه المرض

بعد فتره اتذكرت بيبي شغله وجتي لبيت جدي اهل امي

لان بعد المشاكل الصارت عمامي طردو عمتي لان كالتلهم هذا حيله وانتو سرقتو حقنه طردو عمتي وامي لان جانت مسانده لعمتي

فاتت فتره شهر واكثر وبيبي جتنه كالت بالكوه مقنعتهم يجيبوها بحجه تشوف البنات راحو ويجون عليها العصر
طلبت من امي ان ادز احد

عله عمتي حته تجي لان هيه تريدها وولدها مانعين عمتي تدخل للبيت او بيبي تروحلها

امي دزت خالي لصغير مجانت بعيده عمتي كانت تبعد عنه منطقه وحده يركب كوستر الها وميطول طريقها ربع ساعه

راح خالي وبيبي تنتضره وعينها ع باب تخاف من عمامي لايرجعون لان كايليلها نرجعلج وهيه متفقه وياهم ان تتغده يمنه بس رغم هذا خايفه لايجوها فجأه

رجع خالي جايب عمتي وياه وكعدن وبيبي منتضرت بسرعه حجت الي عدها

بوقتها مذكره من جدي راجع وبااصبعه اثر البصمه سائلتها شنو مبصم حجي
جان جوابه اي اليوم بالمستشفى دزونه حته يسولي اوراق كامله وتصير فحوصاتي كلها يمهم ذوله ولدج طلعو كلشي يعرفون وناس تحترمهم يكولك هاي ميسوها لاي احد بس همه عدهم واسطه

العمه: اي يمه وهسه شنستفاد ولدج عدهم واسطه

الجده: لاولج ابوج بوقتها هيج كال المهم كالي انهم ماخذيه لمكان فروع كدامه وسيارات وهوسه فخايفين عليه كايليله لاتنزل رايح واحد منهم صايح رجال وجاي لسياره يم ابوج مخلي يبصم وهوه بسياره
بيومها ابوج مكيف جان ان ولده الهم واسطه

ام ريام: زين ع شنو بصموه مايعرف

الجده: هوه مايعرف يقره ويكتب الرجال بس امبصميه ع اوراق فحوصات مستشفى

العمه: وليش ايبصموه المستشفى

ام ريام: لا انتي الصادكه مبصموه بالمستشفى بصموه بالمكان الي كايليله دازينه عليه لمستشفى

الجده: اي انه اذكر كالي دزونه لمستشفى

العمه: مده افهم شي اني

ام ريام: اني افهمج حبيبه

البارت الثاني قصة زمن العجائب تأليف ورد العامري

ام ريام: اني افهمج حبيبه
اخوتج ماخذين عمي للمستشفى ومسوين عليه فلم ان يردون اوراق حته تفحص بعد عدهم من غير متروح دكتور اختصاص هوه رجال تعبان صدكهم اكيد قنعوه بفلم من عدهم
وله اكو مستشفى تريد اوراق وماعرف شنو شديسوي عمليه هوه
المهم ماخذيه للعقار اولكاتب العدل ماعرف
بس اكيد للعقار
متفقين ويه موضف ان ابونه رجال جبير وميكدر يصعد حته لايطب ويشوف الهوسه ويفتهم
منزلين موضف مبصمه ع البيت الهم همه اكيد جانو محضرين كلشي
العمه: زين غير مكاتبه شي
ام ريام: همه محضرين شداكولج اني
العمه: بس تكولج مره وحده بصم جاي ايده بيها مال تبصم غير الي يسوي مكاتبه هم ايبصم
ام ريام: شبيج حبيبه همه مرتبين امورهم كلها موبعيد متفقين ويه دلال لومسوين شغله مانعرفها محضرين اوراقه وبيوم البصمه موديه للرجال ع عمه عينه ميعرف شي
العمه: يمه اوراق ابويه والبيت موعدج
الجده :هااا اي يمه عدي جانن بس الولد اخذوهن
العمه: شوكت اخذوهن يمه
الجده: من بدو يراجعون باابوج اخذوهن
العمه: يمه اخذو جنسيته غير لو شاخذو
الجده: هاا لايمه اخذوهن كلهن الي عندي
العمه: يمه السند السند هم اخذوه
الجده: اي والله يمه خذوه
ام ريام: انتي شلون تطي ياعمه الهم اكو دكتور يطلب سند بيت شبيج
الجده: لايمه مو اخذوه علمود معامله الكهرباء
العمه: يمه ولكهرباء شلها دخل بسند
الجده: والله يمه همه كالو يردون السند لان راح يكطعون الكهرباء علينه ديسون تحديث ماعرف شنهو للبيوت
ام ريام: ههههه فلم مضبوط متفقين ومخططين ويدرون باامهم وابوهم من اهل الله راح البيت خيه لاتفكرين لابورث ولابشي
العمه: ليش بله عقل اني لو ماكو دوله نثبت انهم محتالين ع ابويه وناخذ حقوقنه منسكت عليهم
ام ريام: ودليلج شنو خيتي
العمه :امي تشهد وتحجي هل حجي للقاضي مويمه انتي ويانه ماترضين حقي وحق هل يتامه يروح
الجده: اي يمه اشهد واكول هذا الي صار للقاضي لعد اعوف حق بنات المرحوم عمت عيني عليه راح وعاف بنياته
ريهام: بوقتها جنه جهال اني وريام عرفنه بهاي الاحداث كلها من امي وعمتي ومن نسوان خوالي وخوالي من كبرنه انفتحن سوالف ومثل ميكولون كل واحد اذكر سالفه من الي صار
الصار هوه رفعو دعوه ع عمامي واصحاب الدعوه امي بعتبارها الوصي علينه وعمتي
ووصلت للقاضي وطلب شهاده بيبي
الي شهدت بنفس الكلام الي كالته بس جان اكو كلام بلا اثبات والقاضي يمشي بورق ومستند واحنه لانملك ورقه ولامستند وحته الشهاده ضعيفه شاهد واحد
وفرو الفلم ع بيبي باانها مندفعه لبنات ابنها الميت ولبنتها
عمامي جان عدهم الورق والدليل وخصوصا اهم شي بصمه جدي الي ثبتو انها مومزوره
ربحو القضيه احنه نملك حجي وهمه يملكون اوراق والاوراق هيه الي مشت
انمنعت عمتي من دخول بيت ابوها ومن شوفه امها
طبعا بيبي مشفناها بعد ومجبوره اضل عد عمامي وين تروح
احنه نسكن بغرفه ببيت جدي وتحت رحمه خوالي ونسوانهم
وعمتي كاعده ويه عيالها وهم بغرفه هيه وجهالها ورجلها
مشفنه بيبي بعد نسمع اخبارها من عمتي الي حاولت انها تتواصل وتشوف امها بس اخوتها عمامي يعني رافضين ومانعيها
ضلت تسمع اخبارها من خلال صديقتها الي كانت جاره بيت جدي
وجارتها جانت توصللها ان بيبي حال الضيم حالها عازليها بغرفه محد يدخل عليها ولااحد يدري بيها ع كد اللكمه الي يطوهياه بمنيه
ممنوع تطلع وممنوع تشوف احد كانت توصف حاله بيبي باانها بحبس
صارت مشاكل هواي عمتي جانت كل يوم تروح وتتعارك وياهم تريد تشوف امها وكالولها ترديها اخذيها بس فوته لبيتنه ماالج واخذتها عمتي بس مكملت لفرحه لانها محكومه لعيال ولرجال وحته اذا عافتهم وين تروح
اضطرت ترجع بيبي تحت رحمه عمامي واستمرت شهور عمتي تسمع اخبارها بس وسمعنه ان بيبي كبرت اكثر وتعبت اكثر ومحد بحالها صارت مشاكل وادخلت ناس
قنعو عمامي ان عمتي بين فتره وفتره تجي لامها تسبحها وتنضفهاوتركب الها
وعمتي كامت تروح كل كم يوم تسبح بيبي وتوكلها وتركب الها طبعا همه عزلو بيبي وحطولها بنفس الغرفه طباخ رغم انها مره جبيره متكدر بعد لاتطبخ ولاتوكف ع طباخ
جانت عمتي تحضرلها كلشي وهيه بس. تحمي ومرات تسولف عمتي تكول حته مالها حيل تحمي لروحها تكول تاكل خبزه اي شي وتنام احنه ممنوعين من شوفتها اوحته لدخول لبيت جدي
جانت عمتي تجينه وتحجي بحركه عن حاله امها
مرت 4سنوات ع وفاه جدي وتوفت بيبي والكل كال ارتاحت عاشت بذل ذلوها ولدها واذوها
جان حجي الجيران هذا
الي سمعناه من خلال عمتي طبعا حضرنه الفاتحه وبيوم الثالث وبس خفت الناس وراحت لبيوتها
عمامي طرود عمتي وطردونه وكالو لعمتي بعد لاتوصلين جنتي تجين ع امج وامج ماتت مالج شي بهل بيت بعد
جان عمري بوقتها حوالي 9/10سنين جنت صف رابع بوقتها
هذي الاحداث جانت بال94
استمرت عمتي تواصلنه وانقطعت عنه بعد سنه من وفاة بيبي
بسبب……..
بيوم من الايام جانت بيبي متوفيه الها كم شهر سمعنه جدي ابوامي يحجي ويه امي بموضوع زواج
جان يكولها انتي مره ولازم ع راسج والي وعدج بنات ذني يرادلهن واحد فوك راسهن
اخوتج خوتهم لنسوانهم بس تغمض عيني يشمروج انتي وبناتج بشارع ومالكم احد
وامي جانت تبجي وطلبت يتأجل هل موضوع وانها متريد رجل ام ع راس بناتها
فاتت ايام وجدي يقنع باامي
وبعدها افتهمنه
ان الي متقدم ل امي هوه رجال من الجوارين جان مزوج وطلك بسبب انه ميصير عنده اطفال عقيم
ومن عرفنه منو هل رجال تفاجئنه
لان جنه كل يوم من نطلع للمدرسه نشوفه ودائما يطينه بسكت اونستله اوجكليت يطلع من جيبه ويطينه ويمسح ع روسنه اني وريهام جنه نحبه
طبعا من صغرنه هوه هيج ويانه وجنه نشوف زوجته
موضوع امي انفتح قبل سنه
جدي كال لاامي ان الرجال مرايدها الها يريدنه النه يريدنه نكون كبناتنه يربينه هوه لان الله مكاتبله الذريه
وافقت امي من تأكدت ان راح نكون احنه بحمايته وهوه زواجه جان يريد يربي اليتامه ويتبناهن مثل مكال
طبعا من سمعت عمتي زعلت من امي
وخوالي ونسوانهم من سمعو اكو احد متقدم لاامي زادو بعداوتهم و
ويانه من عرفو انها رافضه وجدي جان يلح عليها
يكولها خلي رجال فوك راس بناتج لاتخليهن هيج للذله وهل رجال شاريج علمود بناتج
وافقت امي امي جانت صغيره بعدها شابه هيه من مزوجه ابويه جان عمرها14سنه بعمر ريام تقريبا
ووالدي مات وهيه بعمر 22ومن زوجت مرت ثانيه كان عمرها 28/29سنه
اذكر بيومها امي بوستنه وراحت وكالت انها كم يوم وتجي علينه
بيومها بيبي نامت يمنه وضلت تسولف ويانه الليل كله جانت اكو قهره وخوف بداخلنه
رجال غريب صار اب علينه صح هوه من صغرنه جنه نفرح من نشوفه بس نفرح بسبب الجكليته ممفكرين نعيش وياه بيبي كامت تسولف وتقنعنه انه مثل ابونه وراح يحمينه ونعيش وياه احسن من عيشتنه ويه خوالنه
نمنه اني وريام وكعدنه الصبح ع صوت امي وهيه تكعد بينه فرحنه بوجودها لان ممفاركيها وومتعلمين انام من دونها واستغربنه من جيتها لابيبي كالت فدكم يوم يله تجي
امي كالت بدلو ده اروح
-وين ماما
-لبيتنه ماما يله بسرعه
الجده(ام الام) :ليش مستعجله شبيج البارحه اخذتي للزلمه شيكول عليج بله جان فوتي كم يوم
ام ريام: يمه هوه مواني بالليل راد يجيبني اخذ البنات هوه من طلعنه منا كالي ليش مجبتي البنات ومن الصبح دزني عليهن
الجده: اي غير شافج يجوز نصبتي مناحه
ام ريام: يمه اول مطبيت للبيت كالي صح اني بحاجه مره بس اني بحاجه بناتج اكثر لان اريد اكون اب الله مكتبلي يصير من صلبي ذريه اريد اكسب بيهن اجر يتامه اربيهن وهم يعوضني ع نقص الي بيه
الجده: الله يهدي ييمه ويوفقج
ريام: طلعنه ويه امي الي جانت تحجي ويه بيبي وتلم الباقي من غراضنه هيه قبل كم يوم ودو كل الغراض لبيت زوج امي بس عافت كم شغله بعتباراحنه راح نبقه كم يوم ابيت جدي طلعنه جان واكف زوج امي بالباب ينتضر خوالي نايمين الدنيه موصبح فجر ساعه6الصبح ع مااذكر يعني بعد وقت حته للدوام اذكر
اخذ الكياس الي بيد امي وامي كادتنه تعدينه 7بيوت تقريبا عن بيت جدي هوه بيته بنفس الفرع
دخلنه للبيت واحنه لازمين ايد امي وهوه يصيح تفضلو فوتو بابا فوتو فتح الباب ودخلنه ذب الغراض وطلع اسمعه يكولها لاامي الحك اجيب كيمر للبنات
راح ورجع وتريكنه وياه وهوه يسولف ويانه ويضحك وبيومها كال لاامي اليوم غياب بله مدرسه وهوه هم مطلع لمحله جان صاحب محل مفروشات
جان بالفعل فرحان بينه ويسولف ويضحكنه ويسئلنه
فاتت ايامنه وياه جان بالفعل اب النه كان طلبه بس ان يكون اب النه وطلب انكوله بابا بالوقت الي نتوعد عليه ونحسه ابونه يتسوك ويجيب النه واول ميطب للبيت يسئل علينه جان متدين كلش
من امي تحجي علينه يكولها يتامه واما اليتيم فلاتقهر لاتقهريهن شيريدن وشيطلبن كوليلي
كمنه نحب نكعد وياه يدرسنه ويودينه مدارسنه ويجيبنه من مدارسنه مرات نلكاه واكف ينتضرنه بباب لمدرسه من معزل من وكت
مطولنه اشهر وتحول حجينه وياه من عمو الى بابا
بالبدايه اخوته واخواته متقبلونه بس من شافو حبه النه وميحجي اذا ميكول بناتي بناتي راحن بناتي نجحن وبناتي وبناتي
صرنه من انزورهم ويزورونه اونجتمع بمناسبه يكولون علينه بنات خالد
ومشه علينه ان احنه بنات خالد
جدي والد امي جان يجينه كل يوم ويسئل امي ع زوجها وعنه ويشوف تعامله ويانه ودائما يكولها لاامي الحمدلله اطمنت اذا الله اخذ امانته هسه اني مرتاح
وبالفعل مطول جدي سنه ونص تقريبا بعد زواج امي توفه
ووراه بيبي بسنه وحده هم سلمت امانتها
التمو خوالي وخالاتي وكل واحد اخذ حصته ومن،ضمنهم امي
بس ابويه (خالد) بوقتها مرضه امي تتصرف بالي حصلته من ورثها كالها اتضمي للبنات وشتحتاجين اني اطيج
امي متكعد هههه راحت اشترت ذهب وماعرف شنو يعني انصرف جزء من الفلوس هوه من عرف هيج اخذهن من امي وضاف مبلغ عليهن واشتره كاع بااسم امي وكالها هاي للبنات متلعبين بيها اذكر بوقتها حته السنذ ضمه جان يضحك 😆 ويانه يكولنه امكم متكدر تكعد راحه اخاف تبيعها واني مادري هاي مالتكم ضمان للزمن الكم
عشنه بضله وتحت جناحه
يمكن لو ابونه عايش الله يرحمه ميخاف ويحسب النه الف حساب مثله اطانه ثقه باانفسنه نطلع وياه حاطنه وحده ع يمنته وحده ع يسره يخاف علينه من الهوه
وشحده الي يسمعنه حجايه
مشت ايامنه وصارت سنين وبدت خطابه تجي ع ريام جان يرفض هوه دائما من عمرها 16سنه يجوها خطابه وهوه يتعارك ويه امي من تحجي بطاري خطوبه يكولها لاتحجين كدام البنات تخلين تفكيرهن يتشتت خلي تفكيرهن بس بدراستهن